مە مالیک و سیاسەتکردن

مە مالیکەکان لە دەرباری عوسمانیدا بە مناڵی کڕدرابون و لە دیوەخانی سیاسەتمەدارانا وەک کۆیلە بەخێوکرابون، بێکەس و گوێڕایەڵ، سەرکز و جێبەجێکەری فەرمانەکانی خاوەنەکانیان، چەندین لەم مەمالیکانە لە دواییدا بونە پادشاو وەزیری ناوچە گرنگەکان و شەڕکەر و داکۆکیکەری سەرەکی بوون لە بەرژەوەندی گەورەکانیان. بەشێک لە سیاسەتمەدارە دیارەکانی دونیای ئێستاش بەم سیاسەتی مەمالیک ئاسایە گەشتونەتە پلە باڵاکانی دەوڵەتداری. دەبێت لەم خاڵە تێبگەین سیاسەت کەسی گوێ ڕایەڵ و ملکەچی دەوێت بەڵام لەبەرگی پاڵەواندا خۆی نمایش بکات. تێگەشتن لەم خاڵە یارمەتیمان دەدات ئاسانتر لە سیاسەت تێبگەین.